Frosta er komen!

Her ein dag var eg seint oppe. Du veit, Greys Anatomy, oppgåve som skulle leverast inn og litt sånn generell hyperaktivitet.
Eg ende altså opp med å forsove meg dagen etterpå, og vakna cirka ein halv time etter eg skulle ha vore på veg. Eg såg det som mi plikt å utforske sminkeskrinet mitt då eg vanlegvis brukar gå utan sminke. Dette var ein uvanleg dag, eg hadde jo så god tid – Kvifor ikkje kome på skulen i smashing-kostymet?

Eg sat meg i bilen ein time etter, sånn cirka, og ba om at me hadde han snille læraren me alltid brukar ha på slike dagar. Og hadde eg ikkje rett – Han stod der. På den same røykeplassen alle lærarane mine held til, blåste inn og ut og lo. Han er så snill, han læraren. Så han ga meg lov til å røyke ferdig. Eg frøys som ein nakenhund i vintersesongen og ba om at eg snart var ferdig. Nett då eg var kome halvveis i blåsinga, fann eg eit nydeleg motiv til bilete. Snudde meg eit par gradar – Å herregud, enno eit! Dette måtte gjerast noko med, og her er resultatet:

Trykk på bileta for å se dei i større versjon. Eg minnar om at eg har fått ny mobil, så det er ganske deilig å ta bilete med han. Han er raud med gull på.